16 ნოემბერი 2018
გორში ძიუდოს კლუბის - Golden Gori პრეზენტაცია გაიმართა. კლუბი გორის მუნიციპალიტეტის მერიისა და შიდა ქართლის სამხარეო ადმინისტრაციის ხელშეწყობით დაფუძნდა, რომლის შემადგენლობაში ტიტულოვანი გორელი ფალავნები, ოლიმპიური თამაშების, მსოფლიოს და ევროპის ჩემპიონები იასპარეზებენ. სპორტსმენები უახლოეს პერიოდში მონაწილეობას მიიღებენ პირველ შეჯიბრებაზე - ევროპის საკლუბო ჩემპიონატზე, რომელიც 8-9 დეკემბერს ბუქარესტში ჩატარდება.