Logo

26 მაისი შიდა ქართლში

26 მაისი 2018

შიდა ქართლში საქართველოს პირველი დემოკრატიული რესპუბლიკის დაარსებიდან 100 წლის იუბილისადმი მიძღვნილი ღონისძიებები მიმდინარეობს. შიდა ქართლის რწმუნებული-გუბერნატორი გუბერნატორი, აკაკი მაჭუტაძე, სამხარეო ადმინისტრაციისა და ადგილობრივი თვითმმართველობის წარმომადგენლებთან ერთად გორში  მიმდინარე  ღონისძიებებს  დაესწრო და მონაწილეებს დამოუკიდებლობის დღე მიულოცა. ქალაქის მთავარ მოედანზე განთავსებულია საბრძოლო ტექნიკის გამოფენა. ასევე, ხელოვნების, გართობისა  და სპორტული სივრცეები. წარმოდგენილია ენერგეტიკის სამინისტროს ლოკაციაც, სადაც განთავსებულია მაკეტი თუ როგორ წარმოიქმნება ელექტროენერგია და რა გზას გადის ნათურის ანთებამდე. ასევე,  მიტროფონე ლაღიძის ისტორია, როგორც მეცენატის რომელმაც ქუთაისის ელექტრო სადგური აუშენა.მთელი დღის განმავლობაში კონცერტები, რომელშიც მონაწილეობას  ადგილობრივი შემსრულებლები იღებენ. დღის ბოლოს ღონისძიებებს გალა კონცერტი დახურავს, რომელიც გრანდიოზული ფოიერვერკით დასრულდება.