საბავშვო ბაღის გახსნის ღონისძიებას შიდა ქართლის სახელმწიფო რწმუნებული ლევან ხარაბაძე, კასპის მუნიციპალიტეტის მერი ვახტანგ მაისურაძე, მუნიციპალური განვითარების ფონდისა და ადგილობირივი თვითმმართველობის წარმომადგენლები დაესწრნენ.
საბავშვო ბაღის ახალ შენობაში მოეწყო საძინებელი, სათამაშო, გამოსაცვლელი და ადმინისტრაციული ოთახები, ასევე, სამზარეულო, სასადილო, სამრეცხაო, ლიფტი და საევაკუაციო კიბეები. ეზოში განთავსდა სათამაშო მოედნები და აღიჭურვა საბავშვო ატრაქციონებით.
თანამედროვე სტანდარტებისა და დადგენილი ნორმების სრული დაცვით აშენებული ახალი საბავშვო ბაღის შენობა ადაპტირებულია შეზღუდული შესაძლებლობის მქონე პირთათვის და სპეციალური საგანმანათლებლო საჭიროებების მქონე აღსაზრდელებისათვის.
პროექტი მუნიციპალური განვითარების ფონდის მიერ განხორციელდა, რაზეც სახელმწიფო ბიუჯეტიდან 1.8 მილიონი ლარი დაიხარჯა.
English
Georgian