კასპის მუნიციპალტეტის სამ სოფელში – ოკამში, ლავრისხევსა და ზემო ხანდაკში საგზაო ინფრასტრუქტურის მოწყობა მიმდინარეობს.
სამუშაოებს შიდა ქართლის სახელმწიფო რწმუნებული სიმონ გულედანი პირველ მოადგილე მიხეილ ფავლენიშვილთან და კასპის მუნიციპალიტეტის მერ ვახტანგ მაისურაძესთან ერთად გაეცნო.
სოფელ ოკამში 1 202 მეტრი სიგრძის გზაზე დაიგება ასფალტის საფარი და მოეწყობა სანიაღვრეები. სამუშაოების ღირებულება 681 000 ლარს შეადგენს. სოფელი მჭიდროდ დასახლებულია და პროექტი მოსახლეობის საჭიროებიდან გამომდინარე დაიგეგმა.
მაღალმთიან სოფელ ლავრისხევთან და ლავრისხევის სააგარაკე დასახლებასთან მისასვლელი გზა ამ დრომდე გრუნტიანი იყო და მისი რეაბილიტაცია პირველად ხორცილედება. დაგეგმილია 2.5 კმ-იანი გზის ასფალტ-ბეტონის საფარით მოწყობა. პროექტი ორეტაპიანია და წელს დასრულდება. სამუშაოების ღირებულება 1,5 მილიონ ლარზე მეტს შეადგენს.
სოფელ ზემო ხანდაკში 1 კმ-მდე გზის რეაბილიტაცია მიმდინარეობს. დაიგება ასფალტ-ბეტონის საფარი, ასევე პროექტის ფარგლებში რეაბილიტირდება გზის მიერთებები და ეზოებში შესასვლელები. სამუშაოების ღირებულება 527 000 ლარს შეადგენს.
სამუშაოები რეგიონებში განსახორცელებელი პროექტების ფონდისა და ადგილობრივი ბიუჯეტის თანადაფინანსებით ხორციელდება.