შიდა ქართლის სახელმწიფო რწმუნებულის პირველი მოადგილე მიხეილ ფავლენიშვილი ბიისში გამართულ “ტანა-თეძმობის” ფესტივალს დაესწრო
ფესტივალი წელს პირველად გაიმართა. ღონისძიებაზე წარმოდგენილი იყო ადგილობრივი მეწარმეების მიერ დამზადებული პროდუქცია, ადგილობრივი ღვინო, ტრადიციული საკვები, ხელნაკეთი ნივთების გამოფენა-გაყიდვა, ასევე, გასართობ-საგანმანათლებლო სივრცე ბავშვებისთვის, სპორტული და გასართობი აქტივობები. ფესტივალის ფარგლებში მოეწყო ლანდშაფტის ფოტოგამოფენა – „ადგილობრივი ფოტოგრაფების თვალით დანახული ტანისა და თეძმის ხეობა“.
ღონისძიების მიზანს ტანისა და თეძამის დაცული ტერიტორიის ცნობადობის გაზრდა, ტურიზმის განვითარების ხელშეწყობა და ადგილობრივი კულტურული მემკვიდრეობის ძეგლებისა და ტრადიციების გაცნობა წარმოადგენდა.
ადგილობრივ მოსახლეობასთან ერთად ღონისძიებას გორის მუნიციპალიტეტის მერი კონსტანტინე ბუზალაძე, ადგილობრივი თვითმმართველობის წარმომადგენლები და მოწვეული სტუმრები დაესწრნენ.
„ტანა-თეძმობა“ პროექტის „ახალი ჰორიზონტები: ტანისა და თეძმის დაცული ლანდშაფტის და ადგილობრივი მოსახლეობის ჰარმონიული განვითარების“ ფარგლებში, ორგანიზაცია „ფიფლ ინ ნიდ“ (PIN) და გორის მუნიციპალიტეტის განვითარებისა და ტანისა და თეძმის დაცული ლანდშაფტის მართვის სააგენტოს ორგანიზებით გაიმართა