საქართველოს რეგიონული განვითარების მინისტრმა კახაბერ გულედანმა შიდა ქართლის რეგიონში შეხვედრა გამართა.
შეხვედრაზე მუნიციპალიტეტებში მიმდინარე და დაგეგმილი ინფრასტრუქტურული პროექტები განიხილეს. გარდა ამისა, იმსჯელეს რეგიონში არსებულ გამოწვევებსა და საჭიროებებზე. კახაბერ გულედანმა ხაზი გაუსვა რეგიონებთან მჭიდრო თანამშრომლობის მნიშვნელობას და კიდევ ერთხელ გამოხატა მხარდაჭერა ადგილობრივი თვითმმართველობის მიმართ.
შეხვედრას რეგიონული განვითარების მინისტრის პირველი მოადგილე ლევან ზაუტაშვილი, შიდა ქართლის სახელმწიფო რწმუნებული სიმონ გულედანი და გორის, კასპის, ქარელისა და ხაშურის მუნიციპალიტეტების მერები და საკრებულოს თავმჯდომარეები ესწრებოდნენ.
შეხვედრას, ასევე, დაესწრნენ სახელმწიფო რწმუნებულის ადმინისტრაციისა და შესაბამისი ზედამხედველობის კომპანიების წარმომადგენლები.