სიმონ გულედანი გორის ისტორიულ-ეთნოგრაფიულ მუზეუმში გამართულ გამოფენაზე იმყოფებოდა, სადაც წარმოდგენილ ნამუშევრებს გაეცნო.
გამოფენა ტურიზმის მსოფლიო დღესთან დაკავშირებით, ტურიზმის განყოფილების ინიციატივით, 26 სექტემბერს გაიხსნა. ექსპოზიციაზე წარმოდგენილია საქართველოს ეროვნულ მუზეუმში დაცული თანამედროვე ქართველ მხატვართა ნამუშევრები.
პროექტი „ემეგობრე მუზეუმს“ ფარგლებში ხორციელდება. ნამუშევრები გორში 26 ოქტომბრამდე დარჩება.
გამოფენას შიდა ქართლის სახელმწიფო რწმუნებულის პირველი მოადგილე მიხეილ ფავლენიშვილი და გორის მუნიციპალიტეტის მერი კონსტანტინე ბუზალაძე ესწრებოდნენ. ხელისუფლების წარმომადგენლებმა საგამოფენო სივრცეებიც დაათვალიერეს და მუზეუმის წარმომადგენლებთან ერთად სამომავლო განვითარების პერსპექტივებზე ისაუბრეს.