საოკუპაციო ხაზის მიმდებარე სოფელ ნიქოზში ანიმაციური ფილმების საერთაშორისო ფესტივალი გაიხსნა. ღონისძიებას შიდა ქართლის სახელმწიფო რწმუნებული სიმონ გულედანი შერიგებისა და სამოქალაქო თანასწორობის საკითხებში სახელმწიფო მინისტრთან თეა ახვლედიანთან, სქმზრეთ ოსეთის ადმინისტრაცუის ხელმძღცანელთან თამაზ ბესტაევთან და ადგილობრივი თვითმმართველობის წარმომადგენლებთან ერთად დაესწრო. ფესტივალის ინიციატორი და მასპინძელია ნიქოზისა და ცხინვალის მიტროპოლიტი მეუფე ისაია.
ანიმაციური ფილმების საერთაშორისო ფესტივალში, საქართველოსთან ერთად, 28 ქვეყნის რეჟისორ-ანიმატორები მონაწილეობენ.
შიდა ქართლის რწმუნებულმა სიტყვით გამოსვლისას ყურადღება გაამახვილა რეგიონისთვის ფესტივალის განსაკუთრებულ მნიშვნელობაზე და აღნიშნა, რომ ის ადგილობრივ ახალგაზრდებს აძლევს საშუალებას, საგანმანათლებლო და კულტურულ ღონისძიებებში ჩაერთონ.
ფესტივალის პირველ დღეს, გაიხსნა კერამიკის სკოლაც. ნიქოზის ანიმაციური ფილმების ფესტივალი წელს მეთორმეტედ იმართება. ღონისძიებების კვირეული 4 სექტემბრამდე გაგრძელდება.