შიდა ქართლის სახელმწიფო რწმუნებულმა სიმონ გულედანმა რეგიონის მუნიციპალიტეტების მერებთან სამუშაო შეხვედრა გამართა.
სამუშაო შეხვედრაზე მიმდინარე და დაგეგმილი პროექტები განიხილეს. მუნიციპალიტეტების მიხედვით იმსჯელეს ინფრასტრუქტურულ, სოციალურ, ეკონომიკურ, საგანმანათლებლო და კულტურის სფეროებში მიმდინარე პროგრამებსა და სამომავლო გეგმებზე. განსაკუთრებული ყურადღება დაეთმო პროექტების ხარისხიან და დროულ განხორციელებას, ასევე არსებული გამოწვევების ოპერატიულად მოგვარების აუცილებლობას.
გარდა ამისა, საუბარი შეეხო ადგილობრივი მოსახლეობის საჭიროებებზე მორგებული ინიციატივების დაგეგმვას, მუნიციპალიტეტებს შორის კოორდინაციის გაძლიერებასა და სახელმწიფო პროგრამების ეფექტიან განხორციელებას, რაც რეგიონის მდგრად განვითარებასა და მოქალაქეთა ცხოვრების ხარისხის გაუმჯობესებას ისახავს მიზნად.
სამუშაო შეხვედრას სახელმწიფო რწმუნებულის პირველი მოადგილე მიხეილ ფავლენიშვილი და ადმინისტრაციის წარმომადგენლები ესწრებოდნენ.