შიდა ქართლის სახელმწიფო რწმუნებულმა სიმონ გულედანმა სამინისტროების რეგიონული სამსახურების ხელმძღვანელებთან სამომავლო თანამშრომლობის საკითხები განიხილა.
შეხვედრაზე ყურადღება დაეთმო რეგიონში არსებული საჭიროებების შეფასებასა და დაგეგმილ მნიშვნელოვან პროექტებს. რწმუნებულმა ხაზი გაუსვა უწყებათაშორისი კოორდინაციისა და თანამშრომლობის აუცილებლობას.
,,მნიშვნელოვანია, თითოეულმა სამსახურმა მჭიდროდ ითანამშრომლოს როგორც ცენტრალურ, ისე ადგილობრივ სტრუქტურებთან, ვინაიდან ჩვენი მიზანია გადაწყვეტილებები სწრაფად, თანმიმდევრულად და შედეგზე ორიენტირებულად მივიღოთ.“ – აღნიშნა სიმონ გულედანმა.
შეხვედრას გაერთიანებული წყალმომარაგების კომპანიის, საქართველოს მელიორაციის, სურსათის ეროვნული სააგენტოს, სოფლის განვითარების სააგენტოს, “სოკარისა” და “ენერგო-პრო ჯორჯიას” რეგიონული სამსახურების ხელმძღვანელები, ასევე – რწმუნებულის პირველი მოადგილე მიხეილ ფავლენიშვილი, მუნიციპალიტეტის მერები და რწმუნებულის ადმინისტრაციის წარმომადგენლები დაესწრნენ.