გორის მუნიციპალიტეტის სოფელ პატარა გარეჯვარში შიდა საუბნო და სკოლასთან მისასვლელი გზების სარეაბილიტაციო სამუშაოები მიმდინარეობს. ჯამში, დაგეგმილია 1 კილმეტრამდე ასფალტის საფარის დაგება და ასევე, სანიაღვრე სისტემების მოწყობა. პროექტი ადგილობრივი მუნიციპალიტეტის დაფინანსებით ხორციელდება და მისი საერთო ღირებულება 470 000 ლარს შეადგენს.
სამშენებლო პროცესს შიდა ქართლის სახელმწიფო რწმუნებული სიმონ გულედანი რწმუნებულის პირველ მოადგილესთან მიხეილ ფავლენიშვილთან ერთად გაეცნო. როგორც რწმუნებულმა აღნიშნა, რეგიონში ინფრასტრუქუტურის გაუმჯობესება ერთ-ერთ პრიორიტეტული საკითხია, მათ შორის კი საგზაო მიმართულება. პროექტი უახლოეს პერიოდში დასრულდება და ადგილობრივები უსაფრთხო და კეთილმოწყობილი გზით შეძლებენ სარგებლობას.