შიდა ქართლის სახელმწიფო რწმუნებული სიმონ გულედანი რწმუნებულის მოადგილეებთან ერთად რეგიონში შემავალი მუნიციპალიტეტების მერების მოადგილეებსა და სპორტის სამსახურების წარმომადგენლებს შეხვდა.
შეხვედრაზე საუბარი შეეხო სკოლის მოსწავლეებსა და ახალგაზრდებში სპორტის პოპულარიზაციის ხელშეწყობას, არსებული პრაქტიკების გაუმჯობესებასა და სპორტული ღონისძიებების სიხშირის გაზრდას. ხაზი გაესვა მუნიციპალიტეტების კიდევ უფრო მეტი ჩართულობის მნიშვნელობას სპორტული აქტივობების ორგანიზებისა და განხორციელების პროცესში.
მერის მოადგილეებმა და სპორტის სამსახურების ხელმძღვანელებმა შეხვედრაზე მუნიციპალიტეტებში არსებული გამოწვევები, საჭიროებები და ხედვები წარმოადგინეს, მათ შორის ისაუბრეს ახალგაზრდული სპორტის ხელმისაწვდომობის გაუმჯობესებაზე.
შეხვედრისას აღინიშნა, რომ ერთობლივი მუშაობა ხელს შეუწყობს ახალგაზრდებში ჯანსაღი ცხოვრების წესის გაძლიერებას და სპორტული გარემოს კიდევ უფრო მეტად განვითარებას რეგიონში.
რწმუნებულის ადმინისტრაციასა და მუნიციპალიტეტებს შორის ეფექტიანი კოორდინაციის მიზნით მსგავსი ფორმატის შეხვედრები მომავალშიც გაგრძელდება.