ფაშიზმზე გამარჯვებიდან მე-80 წლისთავთან დაკავშირებით, გორში ადგილობრივი ხელისუფლების წარმომადგენლებმა მეორე მსოფლიო ომში დაღუპული გმირების ხსოვნას პატივი მიაგეს
შიდა ქართლის სახელმწიფო რწმუნებულმა სიმონ გულედანმა, გორის მუნიციპალიტეტის მერის მოვალეობის შემსრულებელმა კონსტანტინე ბუზალაძემ, გორის მუნიციპალიტეტის საკრებულოს თავმჯდომარემ დავით რაზმაძემ და ადგილობრივი თვითმმართველობის წარმომადგენლებმა გორში, მებრძოლთა მემორიალი გვირგვინებით შეამკეს. საბრძოლო დიდების მუზეუმთან შეიკრიბნენ სამამულო ომის მონაწილეების ოჯახის წევრები და ახლობლები.
ხელისუფლების წარმომადგენლები დიდების მუზეუმსაც ეწვივნენ. მუზეუმში დაცულია მეორე მსოფლიო ომის მონაწილეების პირადი ნივთები – საბრძოლო ჯილდოები, ფოტოსურათები და სხვა რელიქვიები.