შიდა ქართლის სახელმწიფო რწმუნებული სიმონ გულედანი ქარელის მუნიციპალიტეტის მერთან ზაზა გულიაშვილთან ერთად სოფელ რუისში, ურბნისში, საღოლაშენსა და ბრეთში დასრულებულ და მიმდინარე საგზაო ინფრასტრუქტურის სამუშაოებს გაეცნო.
ამ ეტაპზე უკვე დასრულდა ურბნისისა და ბრეთის შიდა გზების მოწყობის სამუშაოები, ხოლო რუისსა და საღოლაშენში მიმდინარეობს ასფალტის დაგება და სანიაღვრეების მოწყობა.
სამუშაოების ღირებულება 1,5 მილიონ ლარზე მეტს შეადგენს, რომელიც რეგიონებში განსახორციელებელი პროექტების ფონდისა და ადგილობრივი ბიუჯეტიდან ფინანსდება. ჯამში დაგეგმილია 4,1 კმ. შიდა გზების მოწესრიგება.
ქარელის მუნიციპალიტეტის სოფლებში საგზაო ინფრასტრუქტურის მოწყობა გრძელდება
