შიდა ქართლის სახელმწიფო რწმუნებულმა სიმონ გულედანმა, პირველ მოადგილე მიხეილ ფავლენიშვილთან და ქარელის მუნიციპალიტეტის მერ ზაზა გულიაშვილთან ერთად, ქარელის მუნიციპალიტეტის სოფლებში საგზაო ინფრასტრუქტურის სარეაბილიტაციო სამუშაოები დაათვალიერა.
ავლევში, ცერნისში, კნოლევში, აბისსა და აბისისთავში ჯამში, 3 კილომეტრამდე შიდა გზების მოწესრიგების სამუშაოები მიმდინარეობს. პროექტი ასფალტის საფარისა და სანიაღვრე სისტემების მოწყობას ითვალისწინებს. სამუშაოები რეგიონებში განსახორციელებელი პროექტების ფონდიდან და ადგილობრივი ბიუჯეტიდან 1 308 735 ლარით ფინანსდება.
პარალელურად, ავლევსა და ცერონისში, გამყოფი ხაზის მიმდებარე დასახლებებში, ინფრასტრუქტურის განვითარების პროგრამის ფარგლებში, ადგილობრივი ბიუჯეტის დაფინანსებით, სასმელი წყლის ახალი ჭაბურღილი შენდება. სამუშაოების ღირებულება 655 343 ლარს შეადგენს. პროექტის დასრულების შემდეგ ადგილობრივებს საგრძნობლად გაუუმჯობესდებათ სასმელი წყლის მიწოდება.
როგორც სახელმწიფო რწმუნებულმა აღნიშნა, მუნიციპალიტეტების განვითარებისთვის ერთ-ერთ მთავარ პრიორიტეტს ინფრასტრუქტურის გაუმჯობესება წარმოადგენს და როგორც საგზაო ინფრასტრუქტურის, ისე წყალმომარაგების სისტემების მშენებლობა-რეაბილიტაცია ინტენსიურ რეჟიმში გაგრძელდება.
