შიდა ქართლის რეგიონში შემავალი მუნიციპალიტეტებისა და სახელმწიფო რწმუნებულის ადმინისტრაციის თანამშრომლები გაწეული საქმიანობისთვის დაჯილდოვდნენ.
შიდა ქართლის სახელმწიფო რწმუნებულმა ლევან ხარაბაძემ რეგიონის მუნიციპალიტეტების მერებთან და საკრებულოების თავმჯდომარეებთან ერთად განვლილი ერთი წლის საქმიანობა შეაჯამა. ისაუბრა იმ მნიშვნელოვან პროექტებზე, რომლებიც 2024 წელს თითოეული მუნიციპალიტეტში განხორციელელდა.
განვლილი ერთი წლის განმავლობაში სამსახურეობრივი საქმიანობის სანიმუშო შესრულებისთვის 43 საჯარო მოხელე დააჯილდოვდა, რომლებიც, თავის მხრივ, მათივე კოლეგების გადაწყვეტილებით შეირჩნენ.
,, მინდა, მადლობა გადაგიხადოთ თითოეულ საჯარო მოხელეს, როგორც აქ შეკრებილებს, ისე თქვენს კოლეგებს, რომლებიც ყოველდღიურ რეჟიმში თავდაუზოგავად და კეთილსინდისიერად ემსახურებით შიდა ქართლის რეგიონის განვითარებას და ჩვენი ქვეყნის კეთილდღეობას. უდიდესი პასუხისმგებლობა გაკისრიათ როგორც ქვეყნის, ისე ჩვენი მოსახლეობის წინაშე. ჩვენთვის მნიშვნელოვანია, თქვენი შრომა იყოს დაფასებული. მინდა თითოეულ თქვენგან გულწრფელი მადლობა გადაგიხადოთ გაწეული სამსახურისთვის.“ – აღნიშნა ლევან ხარაბაძემ.
საჯარო მოხელეები რწმუნებულის ადმინისტრაციის, კასპის, გორის, ქარელისა და ხაშურის მუნიციპალიტეტის მერიისა და საკრებულოების უწყების თითოეული სამსახურიდან დაჯილდოვდნენ.