სხდომაზე 2025 წელს რეგიონებში განსახორციელებელი პროექტების ფონდიდან დაფინანსებული პროექტები შეაჯამეს.
როგორც შეხვედრისას აღინიშნა, ოთხივე მუნიციპალიტეტში პროექტები ვადების სრული დაცვით შესრულდა.
სხდომაზე იმსჯელეს „მაღალმთიანი დასახლებების განვითარების ფონდის“, „სტიქიის შედეგების სალიკვიდაციო ღონისძიებების“, „გამყოფი ხაზის მიმდებარე დასახლებებში ინფრასტრუქტურის განვითარების“, „სოფლის მხარდაჭერის პროგრამისა“ და „მოქალაქეთა ჩართულობის განვითარების ხელშეწყობის“ პროგრამებით დაფინანსებულ პროექტებზე.
სხდომაზე ასევე განიხილეს საჯარო სკოლების გამართული ფუნქციონირების მიზნით გასატარებელი ღონისძიებებიც.
საკონსულტაციო საბჭოს სხდომას რწმუნებულის პირველი მოადგილე მიხეილ ფავლენიშვილი, მუნიციპალიტეტების მერები, საკრებულოს თავმჯდომარეები, მათი მოადგილეები და სახელმწიფო რწმუნებულის ადმინისტრაციის წარმომადგენლები დაესწრნენ.
შიდა ქართლში სახელმწიფო რწმუნებულთან არსებული სამხარეო საკონსულტაციო საბჭო 3 თვეში ერთხელ იკრიბება.