მარათონმა სტარტი სოფელ ტინისხიდის სტადიონის მიმდებარე ტერიტორიიდან აიღო და მშვიდობის გამზირის გავლით, ქალაქის ცენტრალურ პარკ “ახალბაღში” დასრულდა.
მარათონს შეუერთდა შიდა ქართლის სახელმწიფო რწმუნებულის მოადგილე თემურ ხუბულური.
სპორტულ ღონისძიებაში მონაწილეობა შიდა ქართლში რეგისტრირებულ ნებისმიერ მსურველს შეეძლო.
მარათონის დასრულების შემდეგ გამარჯვებულები თასებით, მედლებითა და სიგელებით რეგიონის რწმუნებულის მოადგილემ თემურ ხუბულურმა, გორის მუნიციპალიტეტის მერის მოვალეობის შემსრულებელმა კონსტანტინე ბუზალაძემ და ადგილობრივი თვითმმართველობის სპორტის სამსახურების წარმომადგენლებმა დააჯილდოვეს.
„შიდა ქართლის სპორტული თამაშები“ შიდა ქართლის რწმუნებულის ადმინისტრაციის ინიციატივითა და გორის მუნიციპალიტეტის ორგანიზებით იმართება. თამაშები 2022 წლიდან ტარდება სპორტის ოთხ სახეობაში (მძლეოსნობა, ქართული ჭიდაობა, ფეხბურთი, კალათბურთი).