ინფრასტრუქტურის მინისტრი რევაზ სოხაძე, მოადგილეებთან, სამინისტროს სისტემაში შემავალი უწყებების ხელმძღვანელებთან, შიდა ქართლის მხარეში სახელმწიფო რწმუნებულ სიმონ გულედანთან და კასპის მუნიციპალიტეტის მერთან ვახტანგ მაისურაძესთან ერთად, კასპის მუნიციპალიტეტში ინფრასტრუქტურული პროექტების მიმდინარეობას გაეცნო.
ხელისუფლების წარმომადგენლები კასპის მუნიციპალიტეტის სოფელ მეტეხსა და ახალციხეში იმყოფებოდნენ, სადაც 100 ბავშვზე გათვლილი საბავშვო ბაღების მშენებლობა მიმდინარეობს.
ორივე პროექტი მნიშვნელოვანი შეფერხებებით მიმდინარეობს როგორც ვადების, ისე სამშენებლო ხარისხის თვალსაზრისით. შესაბამისად, მიღებული იქნება გადაწყვეტილებები, რომლებიც საშუალებას მისცემს სამინისტროს გამოიყენოს ხელშეკრულებითა და მოქმედი კანონმდებლობით გათვალისწინებული სანქციები, მათ შორის, იმსჯელოს ხელშეკრულების შეწყვეტის საკითხზე