კერძო სექტორთან თანამშრომლობის ფარგლებში, შიდა ქართლის სახელმწიფო რწმუნებულმა სიმონ გულედანმა, მუნიციპალიტეტების მერებთან ერთად, რეგიონში მცხოვრებ მაღალი მოსწრების მქონე 10 უფროსკლასელს პლანშეტები გადასცა.
ინიციატივა მიზნად ისახავს მოსწავლეების მოტივაციის გაზრდასა და ახალგაზრდების მხარდასაჭერად განათლების პროცესში თანამედროვე რესურსებზე ხელმისაწვდომობას.
შეხვედრაზე ახალგაზრდებმა მათ სამომავლო გეგმებზე, სასურველ პროფესიებსა და ინიციატივებზე ისაუბრეს.
,,მიგვაჩნია, რომ თითოეული წარმატებული მოსწავლე ქვეყნის მომავლის მყარ საფუძველს ქმნის. კერძო სექტორთან თანამშრომლობით ვცდილობთ, ხელი შევუწყოთ ახალგაზრდების განათლებას, პიროვნულ განვითარებასა და მოტივაციის ზრდას. ვფიქრობ, რეგიონში მსგავსი ინიციატივები უნდა გახდეს ხშირი და მასშტაბური“, – აღნიშნა სიმონ გულედანმა.