შიდა ქართლის სახელმწიფო რწმუნებულმა სიმონ გულედანმა გორის მუნიციპალიტეტის მერის მოვალეობის შემსრულებელთან ერთად სოფელ ხურვალეთში მიმდინარე გზის სარეაბილიტაციო სამუშაოები დაათვალიერა
ამჟამად გზის 412 მეტრიან მონაკვეთზე მოსამზადებელი სამუშაოები მიმდინარეობს.
პროექტი ასფალტის ახალი საფარის დაგებას, სანიაღვრე სისტემის, მიერთებებისა და ეზოებში შესასვლელების მოწყობას ითვალისწინებს.
სამუშაოები რეგიონებში განსახორციელებელი პროექტების ფონდისა და გორის მუნიციპალიტეტის თანადაფინანსებით ხორციელდება.
პროექტის ღირებულება 400 000 ლარს შეადგენს.
სამუშაოების დასრულების შემდეგ ადგილობრივი მოსახლეობა კეთილმოწყობილი და უსაფრთხო ინფრასტრუქტურით შეძლებს სარგებლობას.