შიდა ქართლის სახელმწიფო რწმუნებულმა სიმონ გულედანმა ადგილობრივი თვითმმართველობის წარმომადგენლებთან ერთად სამშობლოსთვის დაღუპულ გმირთა მემორიალი ყვავილებით შეამკო და პატივი მიაგო მათ ხსოვნას. ასევე, ადგილზე შეხვდა შეკრებილ ვეტერანებს, ვეტერანების დღე მიულოცა და მათი საჭიროებები მოისმინა.
,,ეს არის დღე, როცა ქედს ვიხრით იმ ადამიანების უდიდესი თავდადებისა და სიმამაცის წინაშე, რომლებმაც საკუთარი სიცოცხლე და ჯანმრთელობა არ დაიშურეს სამშობლოს თავისუფლების, დამოუკიდებლობისა და უსაფრთხოების დასაცავად. ჩვენო ძვირფასო ვეტერანებო, თქვენ ხართ ჩვენი ქვეყნის ისტორიის, გმირობისა და პატრიოტიზმის ცოცხალი მაგალითი. თქვენი ღვაწლი ფასდაუდებელია და მომავალი თაობებისთვის სამაგალითოა. გისურვებთ ჯანმრთელობასა და დღეგრძელობას.“- აღნიშნა სიმონ გულედანმა.
ვეტერანების საქმეთა სახელმწიფო სამსახურის ინიციატივით 2014 წლის 17 ოქტომბერს „ვეტერანების დღე“ დაარსდა.