შიდა ქართლის სახელმწიფო რწმუნებულმა სიმონ გულედანმა, ქარელის მუნიციპალიტეტის მერმა ზაზა გულიაშვილმა და ქარელის მუნიციპალიტეტის საკრებულოს თავმჯდომარემ ჯუმბერ შუბითიძემ დამსახურებულ პედაგოგებს სერტიფიკატები გადასცეს და ასევე, ქარელის ოქროსა და ვერცხლის მედალოსანი მოსწავლეები დააჯილდოვეს.
სიმონ გულედანმა სიტყვით მიმართა შეკრებილებს, მადლობა გადაუხადა პედაგოგებს გაწეული საქმიანობისთვის, ხოლო წარჩინებულ მოსწავლეებს წარმატებები უსურვა ცხოვრების ახალ ეტაპზე.
საქართველოს განათლების, მეცნიერებისა და ახალგაზრდობის მინისტრის გივი მიქანაძის გადაწყვეტილებით, მასწავლებლის ეროვნული პრემიის ფარგლებში, ყველა რეგიონში იმართება ადგილობრივი სკოლების პედაგოგთა დაჯილდოება, დასკვნითი ღონისძიება კი თბილისში 27 ოქტომბერს ჩატარდება.