შიდა ქართლის სახელმწიფო რწმუნებულის ადმინისტრაციაში, „საძოვრების მართვის შესახებ“ კანონპროექტის განხილვის მიზნით, სამუშაო შეხვედრა გაიმართა.
შეხვედრას შიდა ქართლის სახელმწიფო რწმუნებული სიმონ გულედანი, რწმუნებულის პირველი მოადგილე, მუნიციპალიტეტის მერები, ადმინისტრაციული ერთეულების წარმომადგენლები და დაინტერესებული ფერმერები დაესწრნენ.
შეხვედრის მონაწილეებს კავკასიის რეგიონული გარემოსდაცვითი ცენტრის წარმომადგენელმა ანა რუხაძემ კანონპროექტის შესახებ დეტალური ინფორმაცია მიაწოდა.
ყურადღება გამახვილდა პროცესში ადგილობრივი თვითმმართველობის ორგანოებთან მჭიდრო თანამშრომლობის მნიშვნელობასა და სამომავლოდ განსახორციელებელ ღონისძიებებზე.
კანონპროექტი მომზადებულია პროექტის „საქართველოს მიწის დეგრადაციის ნეიტრალური ბალანსის მიზნების მიღწევა დეგრადირებული საძოვრების აღდგენისა და მდგრადი მართვის გზით“ ფარგლებში, რომელიც გარემოს დაცვისა და სოფლის მეურნეობის სამინისტროს ინიციატივით კავკასიის რეგიონული გარემოსდაცვითი ცენტრის(RECC) მიერ ხორციელდება.