შიდა ქართლის სახელმწიფო რწმუნებულის ადმინისტრაციაში სიმონ გულედანი მუნიციპალიტეტების მერების მოადგილეებს, რეგიონის რესურსცენტრების დირექტორებსა და შესაბამისი სამსახურების წარმომადგენლებს შეხვდა.
შეხვედრას ასევე ესწრებოდნენ რწმუნებულის მოადგილეები, ბავშვთა და სასკოლო სპორტის ეროვნული ფედერაციისა და საქართველოს ეროვნული ოლიმპიური კომიტეტის შიდა ქართლის რეგიონული ორგანიზაციის პრეზიდენტი.
მხარეებმა დეტალურად განიხილეს ადგილობრივი თვითმმართველობებისა და რესურსცენტრების, ასევე მუნიციპალიტეტების სკოლების მაქსიმალური ჩართულობის მნიშვნელობა სპორტული ღონისძიებების დაგეგმვასა და ორგანიზებაში. აღინიშნა, რომ სასკოლო სპორტული ოლიმპიადა რეგიონული მასშტაბით მნიშვნელოვანი ღონისძიებაა და მისი წარმატებით განხორციელებისთვის აუცილებელია უწყებებს შორის კოორდინირებული თანამშრომლობა.
როგორც შეხვედრაზე ითქვა, ბავშვთა და სასკოლო სპორტის ეროვნულ ფედერაციასა და ოლიმპიურ კომიტეტთან მჭიდრო პარტნიორობის ფარგლებში, რეგიონის მუნიციპალური სტრუქტურები და სკოლები გააგრძელებენ აქტიურ მზადებას ოლიმპიადისთვის. დაგეგმილია სკოლებსა და საზოგადოებრივ სივრცეებში სხვადასხვა სპორტული აქტივობების გამართვა, მოსწავლეთა ჩართულობის გაზრდა და ჯანსაღი ცხოვრების წესის პოპულარიზაცია.