რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი, ქარელის მუნიციპალიტეტში სკოლების მშენებლობა – რეაბილიტაციის პროექტებს ახორციელებს.
ფონდის აღმასრულებელი დირექტორის მოადგილე ქვარა ჩართოლანი, შიდა ქართლის სახელმწიფო რწმუნებული სიმონ გულედანი და ადგილობრივი ხელისუფლების წარმომადგენლები, სკოლებში არსებულ მდგომარეობას ადგილზე გაეცნენ.
ქარელის მუნიციპალიტეტის №2 საჯარო სკოლასთან დაკავშირებით მიიღეს მისი მშენებლობა-რეაბილიტაციის გადაწყვეტილება, ხოლო სოფელ მოხისის სკოლის აღდგენის პროცესი უახლოეს მომავალში დაიწყება. ამ ეტაპზე მიმდინარეობს შესაბამისი საპროექტო-სახარჯთაღრიცხვო დოკუმენტაციის მომზადება.
