საქართველოს რეგიონული განვითარებისა და ინფრასტრუქტურის მინისტრის მოადგილე ილია ბეგიაშვილი შიდა ქართლში სახელმწიფო რწმუნებულ სიმონ გულედანთან ერთად რეგიონში მოქმედი სამშენებლო კომპანიების, ზედამხედველობის სამსახურისა და ადგილობრივი თვითმმართველობების წარმომადგენლებს შეხვდა.
შეხვედრაზე მხარეებმა რეგიონის მუნიციპალიტეტებში მიმდინარე და დაგეგმილი ინფრასტრუქტურული პროექტები განიხილეს. განსაკუთრებული ყურადღება გამახვილდა სამუშაოების დადგენილ ვადებში და სათანადო ხარისხით შესრულების მნიშვნელობაზე.
შეხვედრას ასევე ესწრებოდნენ სახელმწიფო რწმუნებულის მოადგილე მიხეილ ფავლენიშვილი, მუნიციპალიტეტების მერები და სახელმწიფო რწმუნებულის ადმინისტრაციის წარმომადგენლები.