შიდა ქართლის სახელმწიფო რწმუნებული სიმონ გულედანი გორის მუნიციპალიტეტის მერ კონსტანტინე ბუზალაძესა და გორის მუნიციპალიტეტის საკრებულოს თავმჯდომარე მარლენ ნადირაძესთან ერთად, სპორტსმენთა დაჯილდოების ცერემონიას „სპორტული გორი 2025“-ს დაესწრო.
ღონისძიება გორის სახელმწიფო უნივერსიტეტში გაიმართა, სადაც წარმატებული სპორტსმენები, მწვრთნელები და გუნდები დაჯილდოვდნენ, ასევე გამოვლინდნენ წლის საუკეთესო სპორტსმენები სხვადასხვა ნომინაციაში.
წლის შედეგების მიხედვით, გამარჯვებულები გამოვლინდნენ ოთხ ნომინაციაში:
წლის საუკეთესო მწვრთნელი – არჩილ ბარამიძე (თავისუფალი ჭიდაობა); წლის საუკეთესო სპორტსმენი მამაკაცი – მერაბ სულეიმანაშვილი (თავისუფალი ჭიდაობა); წლის საუკეთესო სპორტსმენი ქალი – ქეთი რობაქიძე (ძიუდო); წლის საუკეთესო გუნდი – „დილა გორი“ (ფეხბურთი).სპორტსმენთა და მწვრთნელთა დაჯილდოების ცერემონია ტრადიციულად ყოველწლიურად ა(ა)იპ სპორტის განვითარებისა და ხელშეწყობის სააგენტოს ორგანიზებითა და გორის მუნიციპალიტეტის მერიის მხარდაჭერით იმართება.
—