შიდა ქართლის სახელმწიფო რწმუნებული სიმონ გულედანი ადგილობრივი თვითმმართველობის წარმომადგენლებთან ერთად გორში გამართულ კრივის ჩემპიონატს დაესწრო.
შეჯიბრების გამარჯვებულები გორელი მოკრივეები — ნინო კეჩხუაშვილი (54 კგ) და ლევან დემუროვი (65 კგ) გახდნენ. ოქროს მედლების გარდა, გორელმა სპორტსმენებმა ბრინჯაოს მედლებიც მოიპოვეს.
ჩემპიონატი გორის სპორტის სასახლეში გაიმართა. შეჯიბრება საქართველოს კრივის ეროვნული ფედერაციის ორგანიზებითა და გორის მუნიციპალიტეტის მერიის მხარდაჭერით გაიმართა.