შიდა ქართლის გუბერნატორის ადმინისტრაციაში საკონსულტაციო საბჭოს ფორმატში მორიგი შეხვედრა გაიმართა. ამჯერად რეგიონში განსახორციელებელი პროექტების მიმდინარეობასთან ერთად, მხარეებმა მაღალმთიანი რეგიონების შესახებ კანონით გათვალისწინებული საკითხების შესახებ იმსჯელეს.
საკონსულტაციო საბჭოს, შიდა ქართლის მხარეში სახელმწიფო რწმუნებულის – გუბერნატორის მოვალეობის შემსრულებელი იოსებ ოქრომელიძე უძღვებოდა.
აღნიშნული კანონი სხვა კომპონენტებთან ერთად ითვაისწინებს მაღალმთიანი დასახლებებისთვის თანხის 10 მილიონი ლარის ოდენობით გამოყოფას, რომელიც მაღალმთიანი დასახლების ნუსხაში შესულ სოფლებში ინფრასტრუქტურული პროექტების განსახორციელებლად იქნება მიმართული.
ქარელის,ხაშურისა და კასპის მუნიციპალიტეტებმა წარმოადგინეს საკრებულოების მიერ მოწონებული პროექტები, რომელსაც საკონულტაციო საბჭო განსახილველად რეგიონული განვითარებისა და ინფრასტრუქტურის სამინისტროს წარუდგენს. 