შიდა ქართლის სახელმწიფო რწმუნებული სიმონ გულედანი რწმუნებულის პირველ მოადგილესთან მიხეილ ფავლენიშვილთან და გორის მუნიციპალიტეტის მერთან, კონსტანტინე ბუზალაძესთან ერთად, STEAM საგანმანათლებლო პროგრამის შემაჯამებელ ღონისძიებას დაესწრო.
სახელმწიფო რწმუნებულმა და ადგილობრივი ხელისუფლების წარმომადგენლებმა პროგრამის მონაწილე ახალგაზრდებს წარმატებით დასრულება მიულოცეს, ნომინაციაში გამარჯვებული მოსწავლეები დააჯილდოვეს და ასევე თითოეულ მონაწილეს სერტიფიკატები გადასცეს.
გორის მუნიციპალიტეტის მერიის მხარდაჭერით ა(ა)იპ „პასკალი 2012“-ის მიერ განხორციელებულ ოთხთვიან STEAM პროგრამაში 10-15 წლის 60 მოზარდი მონაწილეობდა. პროექტის ფარგლებში მათ რობოტიკის, პროგრამირების, 3D დიზაინისა და თანამედროვე ტექნოლოგიების მიმართულებით თეორიული და პრაქტიკული ცოდნა მიიღეს.