უგზო-უკვლოდ დაკარგულთა საერთაშორისო დღე აღინიშნა ვერხვების დევნილთა დასახლებაში. წითელი ჯვრის საერთაშორისო კომიტეტის ორგანიზებით გამართულ ღონისძიებას 1990 – იანი და 2008 წლების საომარი მოქმედებების დროს დაკარგულ პირთა ოჯახის წევრები ესწრებოდნენ.
ღონისძიებაში მონაწილეობა მიიღო შიდა ქართლის გუბერნატორის ადმინისტრაციის აპარატის უფროსმა ნათია ანთელავამ.
30 აგვისტო, როგორც უგზო-უკვლოდ დაკარგულთა საერთაშორისო დღე, მსოფლიოში 1983 წლიდან, ხოლო საქართველოში – 2011 წლიდან აღინიშნება. საქართველოში 1990-იანი წლებისა და 2008 წლის აგვისტოს შეიარაღებული კონფლიქტების შედეგად 2 300-ზე მეტი პირი დღემდე დაკარგულად ითვლება.