გორში ,,თეგეტა მოტორსის“ კიდევ ერთი სერვის ცენტრი გაიხსნა. ფილიალის გახსნას შიდა ქართლის გუბერნატორი, კახა სამხარაძე, ,,თეგეტა მოტორსის“ კომერციული დირექტორი, დიმიტრი გოზალიშვილი და ადგილობრივი ხელისუფლების წარმომადგენლები ესწრებოდნენ. ახალი სერვის ცენტრის გახსნაზე 165 000 ლარზე მეტი ინვესტიცია განხორციელდა და 15–მდე ადგილობრივი დასაქმდა. ,,რეგიონში კომერციული მიმართულების გაძლიერება მნიშვნელოვანია, ეს ხელს შეუწყობს ბიზნესის განვითარებასა და თავისმხრივ, სამუშაო ადგილების შექმნას“ – აღნიშნა გუბერნატორმა. ცენტრი 1600 კვ.მ–ზეა განთავსებული და მომხმარებელს შეუძლია ისრგებლოს როგორც მსუბუქი, ისე სატვირთო ავტომობილების სერვისით.