საქართველოს განათლების, მეცნიერებისა და ახალგაზრდობის სამინისტროს დაფინანსებით განხორციელებული პროექტის ფარგლებში, უნივერსიტეტის მეხუთე სასწავლო კორპუსის ორ სართულზე თანამედროვე სტანდარტების შესაბამისი საცხოვრებელი სივრცე მოეწყო.
ახალი ინფრასტრუქტურა მოიცავს 19 საცხოვრებელ ოთახს, 2 რეკრეაციულ სივრცეს, 2 სამზარეულოსა და ადმინისტრაციულ ოთახს. პროექტი სტუდენტებისთვის კომფორტულ საცხოვრებელ და სასწავლო გარემოს უზრუნველყოფს.
თანამედროვე სტანდარტების საერთო საცხოვრებლის ამოქმედება მნიშვნელოვნად შეუწყობს ხელს რეგიონში უმაღლესი განათლების ხელმისაწვდომობის გაზრდასა და სტუდენტებისთვის ღირსეული პირობების შექმნას.