შეჯიბრებაში შიდა ქართლის ოთხივე მუნიციპალიტეტიდან 200-ზე მეტმა მონაწილემ იასპარეზა. გამოვლინდნენ გამარჯვებულები და პრიზიორები ქალთა და მამაკაცთა შორის.
გამარჯვებულები და პრიზიორები თასებით, მედლებით, ფულადი ჯილდოებითა და საჩუქრებით დაჯილდოვდნენ. სპეციალური საჩუქრები გადაეცათ გარბენის ყველაზე ახალგაზრდა და უფროს მონაწილეებს — ბარბარე ასანიძესა და დავით ნაზარაშვილს.
„შიდა ქართლის სპორტული თამაშები“ შიდა ქართლში სახელმწიფო რწმუნებულის ადმინისტრაციისა და საქართველოს ეროვნული ოლიმპიური კომიტეტის შიდა ქართლის რეგიონული ორგანიზაციის ინიციატივითა და ორგანიზებით ტარდება და ოთხ სპორტის სახეობას — ქართულ ჭიდაობას, კალათბურთს, მძლეოსნობასა და ფეხბურთს აერთიანებს.
მძლეოსნური გარბენი თანამედროვე ხუთჭიდისა და ტრიატლონის შიდა ქართლის რეგიონული ფედერაციის ორგანიზებით ჩატარდა.
თამაშების დასკვნითი შეჯიბრებები 22 და 24 სექტემბერს ფეხბურთში გაიმართება.