შიდა ქართლის გუბერნატორის მოვალეობის შემსრულებელმა, იოსებ ოქრომელიძემ, გუბერნიის ადმინისტრაციის თანამშრომლებმა და პარტია ,,ქართული ოცნება – დემოკრატიული საქართველოს“ წევრებმა მაზმიშვილების ოჯახი მოინახულეს და თავისი ინიციატივით შეშა და სურსათის გარკვეული მარაგი გადასცეს. ოჯახი, რომელიც გორის მუნიციპალიტეტის სოფელ მეჯვრისხევში, ფაბრიკის დასახლებაში ცხოვრობს, სოციალურად დაუცველია. მარტოხელა დედას მცირეწლოვანი შვილის აღზრდა არასათანადო პირობებში უწევს. ლია მაზმიშვილმა მადლიერება გამოხატა გაწეული დახმარებისთვის და აღნიშნა, რომ ეს მისთვის დროული და აუცილებელი იყო, როგორც მორალური, ისე მატერიალური თვალსაზრისით.