შიდა ქართლის სახელმწიფო რწმუნებული სიმონ გულედანი, რწმუნებულის პირველი მოადგილე მიხეილ ფავლენიშვილი და გორის მუნიციპალიტეტის მერი კონსტანტინე ბუზალაძე ადგილობრივ ახალგაზრდებთან ერთად ვარიანში გამწვანების აქციას შეუერთდნენ.
აქციის ფარგლებში დაირგო დაახლოებით 150 სხვადასხვა სახეობის ხე-მცენარე, მათ შორის ტუია, კვიპაროსი, იფანი, ნეკერჩხალი და სხვა დეკორატიული ჯიშები. გამწვანების სამუშაოები გორის მერიის კეთილმოწყობის სააგენტოს ორგანიზებით განხორციელდა.
ნერგები დაირგო სოფელ ვარიანში, საბავშვო ბაღის, მინი სტადიონისა და სპორტული სივრცის მიმდებარედ, რაც რეკრეაციული სივრცის გაუმჯობესებას შეუწყობს ხელს.