საქართველოს სპორტის სამინისტროს მხარდაჭერით ქალაქ გორში ქართულ ჭიდაობაში საქართველოს აბსოლუტური ფალავნობა გაიმართა. ღონისძიებას შიდა ქართლის სახელმწიფო რწმუნებული სიმონ გულედანი, საქართველოს სპორტის მინისტრის მოადგილე ირაკლი დოლაბერიძე, ქართული ჭიდაობის ფედერაციის პრეზიდენტი და შიდა ქართლის სახელმწიფო რწმუნებულის მოადგილე თემურ ხუბულური, ადგილობრივი თვითმმართველობის წარმომადგენლები და სპორტის გულშემატკივრები დაესწრნენ.
2025 წლის საქართველოს აბსოლუტური ფალავნობის ჩემპიონი გიორგი ჩაგელიშვილი გახდა, ვიცე-ჩემპიონის ტიტული საბა ინანეიშვილმა მოიპოვა, ხოლო ბრინჯაოს მედალს ნიკა სიდამონიძე დაეუფლა. გამარჯვებულები ასევე გამოვლინდნენ 80, 90 და +100 კილოგრამ წონით კატეგორიებში.
80 კგ წონითი კატეგორია:ოქროს მედალი დავით გოდერძიშვილმა მოიპოვა, ვერცხლის — კობა აკოფაშვილმა, ხოლო ბრინჯაოს მედალი ერეკლე ოძელაშვილმა.
90 კგ წონითი კატეგორია:ოქროს მედალს სოსო ებილაშვილი დაეუფლა, ვერცხლის — ვაჟა ავაზნელი, ხოლო ბრინჯაოს მედალი ბაქარ ერაშვილმა მოიპოვა.
+100 კგ წონითი კატეგორია:ჩემპიონი საბა ინანეიშვილი გახდა, ვიცე-ჩემპიონი — გიორგი ბადუაშვილი, ხოლო ბრინჯაოს მედალი უჩა ტაბატაძემ მოიპოვა.
საქართველოს აბსოლუტური ფალავნობა ქართული ჭიდაობის ერთ-ერთი უმთავრესი ტურნირია. ის პირველად 1928 წელს ჩატარდა, ხოლო წელს უკვე 97-ე ტურნირი გაიმართა.