შიდა ქართლის სახელმწიფო რწმუნებულმა სიმონ გულედანმა რეგიონის მუნიციპალიტეტების მერებთან სამუშაო შეხვედრა გამართა.
შეხვედრაზე მუნიციპალიტეტების მიხედვით მიმდინარე და დაგეგმილი ინფრასტრუქტურული და სოციალური პროექტები განიხილეს. ყურადღება გამახვილდა თითოეული მიმართულებით არსებულ საჭიროებებსა და სამომავლო გეგმებზე.
ასევე იმსჯელეს 2026–2037 წლების გრძელვადიანი განვითარების სტრატეგიულ დოკუმენტზე, რომელშიც ასახული იქნება რეგიონის პრიორიტეტული მიმართულებები. მათ შორისაა: მდგრადი ურბანული განვითარება, ეკონომიკის დივერსიფიკაცია, ჯანდაცვისა და სოციალური მომსახურების ხარისხის გაუმჯობესება, განათლების, კულტურის, სპორტისა და ტურიზმის ხელშეწყობა, ტრანსპორტისა და ნარჩენების მართვის სისტემების მოწესრიგება და სხვა მნიშვნელოვანი საკითხები.
სამუშაო შეხვედრას სახელმწიფო რწმუნებულის პირველი მოადგილე მიხეილ ფავლენიშვილი, რწმუნებულის მოადგილე თამაზ ბესტაევი და ადმინისტრაციის წარმომადგენლები დაესწრნენ.