შიდა ქართლის სახელმწიფო რწმუნებულის ადმინისტრაციაში სასკოლო სპორტული ოლიმპიადის საკითხებზე სამუშაო შეხვედრა გაიმართა, რომელსაც შიდა ქართლის სახელმწიფო რწმუნებულის მოადგილე თემურ ხუბულური, მუნიციპალიტეტების მერიის, რეგიონის საგანმანათლებლო რესურსცენტრებისა და შესაბამისი სამსახურების წარმომადგენლები დაესწრნენ.
შეხვედრაზე ბავშვთა და სასკოლო სპორტის ეროვნული ფედერაციისა და საქართველოს ეროვნული ოლიმპიური კომიტეტის შიდა ქართლის რეგიონული ორგანიზაციის წარმომადგენლებმა სასკოლო ოლიმპიადის ფარგლებში დაგეგმილი ღონისძიებების შესახებ ინფორმაცია წარადგინეს.
მხარეებმა განიხილეს ადგილობრივი თვითმმართველობების, რესურსცენტრებისა და სკოლების აქტიური ჩართულობის მნიშვნელობა, ასევე სპორტული ღონისძიებების დაგეგმვისა და ორგანიზების საკითხები. აღინიშნა, რომ სასკოლო სპორტული ოლიმპიადა რეგიონის მასშტაბით მნიშვნელოვანი სპორტული ღონისძიებაა და მისი წარმატებით განხორციელებისთვის უწყებებს შორის კოორდინირებული თანამშრომლობა მნიშვნელოვანია.
ბავშვთა და სასკოლო სპორტის ეროვნულ ფედერაციასა და ოლიმპიურ კომიტეტთან თანამშრომლობით, მუნიციპალიტეტები და სკოლები ოლიმპიადისთვის მზადებას გააგრძელებენ. დაგეგმილია სხვადასხვა სპორტული აქტივობის გამართვა სკოლებსა და საზოგადოებრივ სივრცეებში, მოსწავლეთა ჩართულობის გაზრდა და ჯანსაღი ცხოვრების წესის პოპულარიზაცია.