შიდა ქართლის გუბერნატორი, კახა სამხარაძე ხაშურის მუნიციპალიტეტის გამგებელთან, გიორგი გურასპაშვილთან ერთად რამდენიმე კვირის წინ სტიქიის შედეგად დაზიანებული სურამი–ქემფერის დამაკავშირებელი ხიდის სარეაბილიტაციო სამუშაოების დასრულების პროცესის მოსანახულებლად იმყოფებოდა. არსებული ხიდის მეშვეობით ცოცხნარის ადმინისტრაციულ ერთეულში შემავალი სოფლების, ქემფერის, ცედანისა და წაბლოვანის დაკავშირება ხდება. ხიდის რეაბილიტაცია ადგილობრივი ბიუჯეტიდან 34 982 ლარით დაფინანსდა და რამოდენიმე დღეში ექსპლუატაციაში შევა.