სსიპ ეროვნული სატყეო სააგენტოს წარმომადგენლები რეგიონებში შეხვედრებს განაგრძობენ. შეშით მომარაგების პროცესს სააგენტოს თავმჯდომარე ამჯერად შიდა ქართლში გაეცნო. შეხვედრაზე სოციალური ჭრის ფარგლებში ტყეკაფების დროულად გამოყოფასა და ადგილობრივი მოსახლეობის მერქნული რესურსით მომარაგების საკითხები განიხილეს, რომელსაც შიდა ქართლის გუბერნატორი, მისი ადმინისტრაციისა და ადგილობრივი თვითმმართველობისა წარმომადგენლები ესწრებოდნენ.