გორის მუნიციპალიტეტის საჯარო სკოლებმა საკუთარი საგანმანათლებლო, შემოქმედებითი და წარმატებული პროექტები წარმოადგინეს.
ღონისძიებას შიდა ქართლის სახელმწიფო რწმუნებული სიმონ გულედანი ადგილობრივი თვითმმართველობის წარმომადგენლებთან ერთად დაესწრო.
გამოფენის მონაწილეებს შესაძლებლობა ჰქონდათ ღონისძიების სტუმრებისთვის სკოლებში განხორციელებული აქტივობები და მიღწევები გაეზიარებინათ. ღონისძიებაზე ასევე დაჯილდოვდნენ გამორჩეული მასწავლებლები და მოსწავლეები.
„სკოლების გამოფენა“ ყოველწლიურად გაიმართება. ღონისძიება ქალაქ გორის საგანმანათლებლო რესურსცენტრის ორგანიზებითა და გორის მუნიციპალიტეტის მერიის მხარდაჭერით ჩატარდა.