შიდა ქართლის სახელმწიფო რწმუნებული სიმონ გულედანი მოხალისეთა ორგანიზაციის – „ახალგაზრდობა და ვეტერანები ეროვნული თავდაცვისა და უსაფრთხოებისთვის“ წარმომადგენლებს შეხვდა.
შეხვედრას ორგანიზაციის დირექტორი ედუარდ ჯიშკარიანი და დირექტორის მოადგილე, გენერალი გიორგი სურმავა ესწრებოდნენ.
შეხვედრაზე ორგანიზაციის საქმიანობისა და სამომავლო გეგმების შესახებ პრეზენტაცია გაიმართა. მხარეებმა თანამშრომლობის პერსპექტივები, ასევე, შიდა ქართლში ერთობლივი შეხვედრებისა და ღონისძიებების ორგანიზების საკითხები განიხილეს.
სიმონ გულედანმა ორგანიზაციის საქმიანობის მნიშვნელობაზე ისაუბრა და აღნიშნა, რომ სახელმწიფო რწმუნებულის ადმინისტრაცია მზად არის, ხელი შეუწყოს ინიციატივების განხორციელებასა და მუნიციპალიტეტებში შესაბამისი შეხვედრების დაგეგმვას.
შეხვედრას სახელმწიფო რწმუნებულის პირველი მოადგილე მიხეილ ფავლენიშვილი, გორის, კასპის, ხაშურისა და ქარელის მუნიციპალიტეტების მერები, ასევე ორგანიზაციის ტერიტორიული და ექსტერიტორიული დანაყოფების სამსახურის უფროსი პაატა ნარიკაშვილი, სამაჩაბლოს ტერიტორიული დანაყოფის მ.შ. შალვა მინდიაშვილი და შიდა ქართლის ტერიტორიული დანაყოფის მ.შ. გია ედილაშვილი ესწრებოდნენ.