გახსნის ღონისძიების ფარგლებში სკოლის ეზოში წარმოდგენილი იყო LEGO რობოტექნიკის სასწავლო კომპლექტები, რომლითაც მოზარდები პრაქტიკულ სწავლებას გაივლიან.
ღონისძიებას შიდა ქართლის სახელმწიფო რწმუნებული სიმონ გულედანი, გორის მუნიციპალიტეტის მერი კონსტანტინე ბუზალაძე, რწმუნებულისა და მერის მოადგილეები, საკრებულოს წევრები, ორგანიზაცია SICPA-ს წარმომადგენლები, ადგილობრივი ახალგაზრდები და მოსახლეობა დაესწრნენ.
რობოკლუბები ეტაპობრივად გაიხსნება როგორც ქალაქ გორში, ასევე მუნიციპალიტეტის კიდევ სამ სოფელში. პროექტის ფარგლებში მოზარდები შეისწავლიან LEGO რობოტექნიკას, პროგრამირების საფუძვლებსა და განივითარებენ თანამედროვე ტექნოლოგიებთან მუშაობისთვის აუცილებელ პრაქტიკულ უნარებს.
პროექტის მიზანია რეგიონებში STEM განათლების ხელმისაწვდომობის გაზრდა, ახალგაზრდებში ტექნოლოგიური და საინჟინრო უნარების განვითარება და ინოვაციური აზროვნების წახალისება.
LEGO რობოტექნიკის სასწავლო კომპლექტები გორის მუნიციპალიტეტის მერიას ორგანიზაცია SICPA-მ, ურთიერთთანამშრომლობის მემორანდუმის ფარგლებში, გადასცა.
სასწავლო კურსს ა(ა)იპ „საერთაშორისო ტექნოლოგიური ინტელექტი“ განახორციელებს.