ტანას ხეობაში ფესრივალი – ,,ტანა-თეძმობა“ გაიმართა. ღონისძიების პროგრამა მრავალფეროვან კულტურულ, გასტრონომიულ, სპორტულ და შემეცნებით აქტივობებს აერთიანებდა. ღონისძიებაზე მისულ სტუმრებს შესაძლებლობა ჰქონდათ, დაეთვალიერებინათ ადგილობრივი მეწარმეების ნამუშევრები და გორის კულტურული მემკვიდრეობის გამოფენა, დაეგემოვნებინათ ქართული კერძები და ღვინო, ამავდროულად ჩართულიყვნენ გასტრონომიულ მასტერკლასებში, სპორტულსა და ინტელექტუალურ თამაშებში.
დღის განმავლობაში მიმდინარეობდა კონცერტი ადგილობრივი ანსამბლებისა და ბენდების შესრულებით, მოეწყო საბავშვო-შემეცნებითი სივრცეები, ლაშქრობა მარიამის ხევში და სხვადასხვა გასართობი ღონისძიება.
„ტანა-თეძმობა“ ფესტივალი ხელს უწყობს ადგილობრივი ტრადიციების შენარჩუნებასა და პოპულარიზაციას, მცირე მეწარმეების მხარდაჭერას, ხეობის ცნობადობის ამაღლებასა და მუნიციპალიტეტის ტურისტული პოტენციალის უკეთ წარმოჩენას.