შიდა ქართლის სახელმწიფო რწმუნებულმა სიმონ გულედანმა ადგილობრივი თვითმმართველობის წარმომადგენლებთან და მოწვეულ სტუმრებთან ერთად „კასპობის“ ტრადიციულ სახალხო დღესასწაულში მიიღო მონაწილეობა.
ღონისძიების ფარგლებში, კასპის ცენტრალურ მოედანზე, სააკაძის სკვერის მიმდებარედ, მოეწყო ადმინისტრაციული ერთეულებისა და ადგილობრივი მეწარმეების თემატური კუთხეები, გამოიფინა ხელნაკეთი ნივთები და გაიმართა მრავალფეროვანი კულტურულ-სპორტული აქტივობები. პატარებისთვის მოეწყო გასართობი სივრცე ატრაქციონებით. გარდა ამისა, წარმოდგენილი იყო საქართველოს თავდაცვის სამინისტროსა და ეროვნული თავდაცვის აკადემიის სპეციალური კუთხეები.
სადღესასწაულო ღონისძიებას ასევე ესწრებოდნენ იაპონიის ელჩი საქართველოში და დელეგაციის სხვა წევრები.
ღონისძიებაზე კასპის მუნიციპალიტეტის მერიამ ღვაწლმოსილი პედაგოგები, ტარიელ შარიფაშვილის სახელობის სტიპენდიატები და ოქროსა და ვერცხლისმედალოსანი კურსდამთავრებულები დააჯილდოვა.
საღამო გალა-კონცერტით დასრულდა.