ფინალში გორისა და ქარელის მუნიციპალიტეტების გუნდები შეხვდნენ. ძირითადი დრო ფრედ დასრულდა, პენალტების სერიაში კი ქარელის გუნდმა 5:4 გაიმარჯვა. ქარელი ფეხბურთში შიდა ქართლის პირველობის გამარჯვებული მეორედ გახდა.
მესამე ადგილი ხაშურის გუნდმა დაიკავა, რომელმაც კასპის გუნდი ანგარიშით 2:0 დაამარცხა.
ფეხბურთის ფინალურ შეხვედრას შიდა ქართლის სახელმწიფო რწმუნებული სიმონ გულედანი ადგილობრივი თვითმმართველობის წარმომადგენლებთან ერთად დაესწრო.
ფეხბურთის შეჯიბრების დასრულებასთან ერთად „შიდა ქართლის სპორტული თამაშები 2026“-ის ოთხივე სახეობაში გამოვლინდა გამარჯვებულები და საერთო გუნდური შედეგიც შეჯამდა. ოთხივე სახეობაში ნაჩვენები შედეგების მიხედვით, გუნდური გამარჯვებული გორის მუნიციპალიტეტი გადხა და მთავარი თასი მოიპოვა.
ცალკეულ სახეობებში გამარჯვებულები არიან: ქართული ჭიდაობა — გორი; კალათბურთი — კასპი; მძლეოსნობა — გორი; ფეხბურთი — ქარელი.
„შიდა ქართლის სპორტული თამაშები“ 2022 წლიდან შიდა ქართლის სახელმწიფო რწმუნებულის ადმინისტრაციის ინიციატივითა და შიდა ქართლის რეგიონული ოლიმპიური კომიტეტის ორგანიზებით ტარდება. შეჯიბრებაში რეგიონის ოთხივე მუნიციპალიტეტის გუნდები მონაწილეობენ.