0 32 2 28 57 00

ცხელი ხაზი

0 32 2 28 57 00

ცხელი ხაზი

0 32 2 28 57 00

ცხელი ხაზი

პრესცენტრი ანონსი

28მარტი 2018
საკონსულტაციო საბჭოს სხდომა კასპში
13:00
კასპის მუნიციპალიტეტის მერია
28 მარტს, 13:00 საათზე, კასპის მუნიციპალიტეტის მერიის საკონფერენციო დარბაზში (მერაბ კოსტავას № 18) გაიმართება სამხარეო - საკონსულტაციო საბჭოს მორიგი გასვლითი შეხვედრა. საკონსულტაციო საბჭოს სხდომაზე განიხილება: 2018 წელს რეგიონებში განსახორციელებელი პროექტების ფონდიდდან მუნიციპალიტეტებში დაფინანსებული პროექტების მიმდინარეობა; შიდა ქართლის 2014 - 2021 წლების რეგიონული განვითარების სტრატეგიის და 2018 - 2020 წლების სამოქმედო გეგმის ცვლილების საკითხი.
22მარტი 2018
ცხოველთა ინტერმუნიციპალური თავშესაფრის პროექტის პრეზენტაცია
12:00
ქ. გორი, ფერაძის ქ. №5
გორის მუნიციპალიტეტის მერიის საკონფერენციო დარბაზში, შიდა ქართლის გუბერნატორის ადმინისტრაციის ინიციატივითა და ორგანიზებით, ,,სოციალური პროგრამებისა და განვითარების ცენტრი“ გამართავს უპატრონო ცხოველთა ინტერმუნიციპალური თავშესაფრის პროექტის პრეზენტაციას. შეხვედრა საჯაროა და მასზე დასწრება შეუძლია საკითხით დაინტერესებულ ნებისმიერ პირს, მედიის, არასამთავრობო და ცხოველთა დაცვის საკითხებზე მომუშავე ორგანიზაციების წარმომადგენლებს. შიდა ქართლის გუბერნატორის ადმინისტრაცია აქტიურად თანამშრომლობს მუნიციპალიტეტებთან, უპატრონო ცხოველებისთვის თავშესაფრის შექმნის და მომავალში მისი ეფექტური ადმინისტრირების საკითხებზე. სამხარეო ადმინისტრაციის მიზანია, ადგილობრივ თვითმმართველობებთან და საზოგადოებასთან თანამშრომლობით, ხელი შეუწყოს ინტერმუნიციპალური თავშესაფრის შექმნას, რომელიც უზრუნველყოფს რეგიონში უპატრონო ცხოველებთან დაკავშირებული პრობლემის გადაწყვეტას, ცივილური და საერთაშორისო სტანდარტების გათვალისწინებით. პროექტის მიხედვით, კეთილმოწყობილი და მრავალფუნქციური თავშესაფრის შექმნა, კომპლექსურ მომსახურებას გაუწევს და სხვადასხვა სერვისით უზრუნველყოფს, როგორც მიუსაფარ, ასევე მზრუნველობის ქვეშ მყოფ ცხოველებს.
22თებერვალი 2018
უფასო სამედიცინო აქცია ტინისხიდში
10:00
გორის მუნიციპალიტეტის სოფელი ტინისხიდი
22 თებერვალს, აზერბაიჯანის საელჩოს ინიციატივითა და შიდა ქართლის გუბერნატორის ადმინისტრაციის მხარდაჭერით, გორის მუნიციპალიტეტის სოფელ ტინისხიდში ჩატარდება უფასო სამედიცინო აქცია. აქციაში ჩაერთვებიან სხვადასხვა პროფილის ექიმები. უფასო სამედიცინო აქციაში მონაწილეობას მიიღებენ აზერბაიჯანის სრულუფლებიანი ელჩი საქართველოში, დურსუნ ჰასანოვი, შიდა ქართლის გუბერნატორი, კახა სამხარაძე და ადგილობრივი თვითმართველობის წარმომადგენები. აღნიშნული ღონისძიება გაიმართება ტინისხიდის ადმინისტრაციულ შენობაში, 10:00 საათზე და გაგრძელდება მთელი დღის განმავლობაში.
06თებერვალი 2018
გორის სპორტის სასახლის დათვალიერება
12:00
გორი,ჭალის დასახლება / ფერაძის ქუჩა (ადმინისტრაციულ შენობასთან)
გორში, დასრულდა სპორტის სასახლის მშენებლობა. გარე პერიმეტრზე ჩასატარებელია კეთილმოწყობითი სამუშაოები, რის შემდეგაც ინფრასტრუქტურა მზად იქნება გახსნის ცერემონიისთვის. კანადიდან, მშენებელი კომპანიის სათავო ოფისიდან ჩამოსულია დელეგაცია, რომელიც ინფრასტრუქტურას დაათვალიერებს ცენტრალური და ადგილობრივი ხელისუფლების წარმომადგენლებთან ერთად.
05ივნისი 2016
5 ივნისიდან გორში სტარტს კომედიის ფესტივალი აიღებს
20:00
გორის გიორგი ერისთავის სახელობის დრამატული თეატრი
„დავაბრუნოთ ღიმილი ნაომარ ქალაქში“, ამ სლოგანით კომედიის ფესტივალი მესამედ იმართება გორში. ფესტივალს ტრადიციულად მარჯანიშვილის თეატრი, 5 ივნისს საზეიმოდ გახსნის სპექტაკლით „შეცდომათა კომედია“ და 23 ივნისსდაიხურება, დათო ევგენიძის საქველმოქმედო კონცერტით. წელს „კომედიის ფესტივალი“ უკვე საერთაშორისო გახდა, მასში მონაწილეობას პოლონეთის, უკრაინის და ბულგარეთის თეატრალური დასები მიიღებენ, ქართულ პროფესიული თეატრის 20 დასთან ერთად. ფესტივალს დააკვირდება პროფესიული ჟიურის სამ-სამ კაციანი 5 ჯგუფი. თეატრმცოდნეები მორიგეობით იმუშავებენ და ყოველი დღის ბოლოს გაარჩევენ ნანახ სპექტაკლს. „კომედიის ფესტივალის“ მიზანია ნაომარ, სოციალურად შეჭირვებულ ქალაქში ხალისის დაბრუნება.მაყურებელს საშუალება ეძლევა ნახოს და გაეცნოს მოცემულ ჟანრში 23 სხვადასხვა ტრადისიის და ხელწერის მქონე თეატრალური დასის ნამუშევარს. პროექტს ახორციელებს ფონდი „REG ART”. ფესტივალი იმართება გორის მუნიციპალიტეტის მერიის პატრონაჟით. პარტნიორები: საქართველოს კულტურისა და ძეგლთა დაცვისა სამინისტრო; გორის გიორგი ერისთავის სახელობის სახელმწიფო პროფესიული დრამატული თეატრი. სპონსორები: ლიბერთი ბანკი; ADwise ჯგუფი; BIZART; ლიმონათი ნატახტარი; ლუდი ნატახტარი. საინფორმაციო მხარდაჭერა: იბერია.
20მაისი 2016
დამოუკიდებლობის აღდგენის 25 წლისთავისადმი მიძღვნილი გამოფენა
12:00
Eristavi Theatre / ერისთავის თეატრი
საქართველოს პარლამენტის ეროვნული ბიბლიოთეკა, 20 მაისს საქართველოს დამოუკიდებლობის აღდგენის 25 წლისთავთან დაკავშირებით გორში აწყობს გამოფენას. გამოფენებზე წარმოდგენილი იქნება საქართველოს დამოუკიდებლობის დღის შესახებ ეროვნული ბიბლიოთეკის ფონდებში დაცული უნიკალური მასალები: საქართველოს დამოუკიდებლობის აქტი, 1918-1921 წლებში დაწესებული პირველი ქართული ჯილდო (მედალი) თამარ მეფის ორდენი, 1918 წელს ჩატარებული პირველი არჩევნების ამსახველი მასალები, 1921 წლის 26 თებერვალს გამოცემული საქართველოს პირველი კონსტიტუცია, ნოე ჟორდანიას პირადი ნივთები, პრესაში 26 მაისთან დაკავშირებით გამოქვეყნებული მასალები და ის ნივთები, რომლებიც საზოგადოებას ჯერ არ უნახავს.
Top