1920 წლის მიწისძვრამ სულ დაანგრია გორიჯვარიც და მისი შემოგარენიც. 1978-1988 წლებში აღდგა გორიჯვრის ტაძარი. ტაძრის მოხატულობა შეასრულა მხატვარმა ნოდარ აბრამიშვილმა. გორიჯვრის მიდამოებში არის სამკურნალო წყალი, რომელიც ძველი დროიდან არის ცნობილი. რეგიონში 6 მაისი წმინდა გიორგის სახელობის ტაძარში ღამის თევითა და ლოცვით აღინიშნა. აღნიშნულ ღონისძიებას შიდა ქართლის გუბერნატორი ზურაბ რუსიშვილიც შეუერთდა.